Задаргаатай нэхэмжлэл, QPay төлбөр, и-баримт, машины дугаар таних хаалга, зочны QR, засварын хүсэлт — СӨХ-ийн өдөр тутмын ажлыг цаас, дэвтэр, групп чатнаас гаргаж, баримттай болгоно.
Мөнгө, машин, хүсэлт гурав нь СӨХ-ийн ажлын гол гурван урсгал. Гурвуулаа энд бүртгэгдэнэ.
Айл бүр юунд хэдийг төлж байгаагаа мөрчлөн хардаг. „Яагаад ийм их вэ?“ гэсэн маргаан, дуудлага эрс багасна.
1 давхрын айл лифтний мөнгө төлөхгүй — дүрмийг нэг удаа тохируулахад систем өөрөө хэрэгжүүлнэ. Онцгой тохиолдолд айл тусад нь чөлөөлөгдөнө.
Бүх айлын нэхэмжлэл секундын дотор үүснэ. Тариф өөрчлөгдвөл төлөгдөөгүй нэхэмжлэл дахин бодогдоно, төлөгдсөнд нь хүрэхгүй.
Оршин суугч аппаасаа банкны товч дарж төлнө, и-баримт нь СӨХ-ийн ТТД дээр шууд бүртгэгдэнэ.
LPR камер дугаарыг таньж, бүртгэлтэй эсэхийг шалгана. Өвөл дугаар цасанд дарагдвал RFID таг ажиллана. Хэн хэзээ орсныг лог үлдээнэ.
Оршин суугч аппаасаа зочиндоо хугацаатай QR өгнө. Харуул утсаар ярьж баталгаажуулах шаардлагагүй.
Засварын хүсэлт төлөвтэйгээр бүртгэгдэнэ — хэн хэзээ мэдэгдсэн, хэзээ шийдэгдсэн нь тодорхой. Төлөв солиход эзэнд нь мэдэгдэнэ.
СӨХ-ийн хурлын санал хураалт аппаар явна. Санал нь өмчлөгчийн нэгжээр тоологдоно — нэг айл нэг санал.
Админ, харуул, оршин суугч тус бүр өөрийн харах ёстойг л хардаг. Хотхон хоорондын тусгаарлалтыг тусгай тест байнга шалгана.
Жишээ: 12 давхар байрны нэг сарын нэхэмжлэл. Гурван айл, гурван өөр дүн — шалтгаан нь харагдана.
| Хураамж | 101 тоот 1 давхар, дэлгүүр | 105 тоот 1 давхар | 1201 тоот 12 давхар |
|---|---|---|---|
| Үндсэн үйлчилгээ | 15,000₮ | 15,000₮ | 15,000₮ |
| Лифт | хамаарахгүй | хамаарахгүй | 8,000₮ |
| Хог | чөлөөлөгдсөн | 5,000₮ | 5,000₮ |
| Харуул хамгаалалт | 5,000₮ | 5,000₮ | 5,000₮ |
| Нийт | 20,000₮ | 25,000₮ | 33,000₮ |
Лифтний мөрийг давхраас хамааруулж, хогийг тухайн айлд чөлөөлсөн нь автоматаар тооцогдож байна. Тооцох аргыг хураамж тус бүрд тогтмол дүн, м.кв-аар, эсвэл оршин суугчийн тоогоор гэж сонгоно.
LPR камер (LPRC200) болон inBio/C3 контроллертой ажиллана. Interlock логик нь локал контроллер дээр — сүлжээ тасрахад машин гацахгүй.
Хаалганы камер машины улсын дугаарыг уншиж, системд илгээнэ. Hybrid терминал бол RFID тагийг мөн уншина.
Дугаарыг нэг стандартад оруулж, тухайн хотхоны бүртгэлтэй машинтай тааруулна.
Орсон/гарсан бүрийг зурагтай нь бүртгэж, эзэнд нь мэдэгдэл илгээнэ. Маргаан гарвал баримт бэлэн.
Хэрэглэгч бүр өөрийн ажилд хэрэгтэйг л хардаг — илүүг нь биш.
Хураамжийн дүрэм тохируулах, нэхэмжлэл үүсгэх, төлөлт хянах, оршин суугч бүртгэх, санал асуулга явуулах, тайлан харах.
Төлбөрийн задаргаа, QPay-ээр төлөх, и-баримт, машинаа бүртгүүлэх, зочны QR үүсгэх, засварын хүсэлт, мэдэгдэл.
Зочны QR шалгах, орц-гарцын лог харах, оршин суугчийн бүртгэл лавлах — хувийн мэдээлэлд хүрэхгүйгээр.
Систем бодит хотхонд ажиллаж байна. Дараагийн ажлаа нуухгүй жагсаав.
Админ самбарыг эхлээд өөрөө туршиж үзээрэй — хураамжийн дүрэм тохируулж, нэхэмжлэлээ урьдчилж хараад дараа нь үүсгэнэ.